Cursiño de GUADI GALEGO en XINZO

- A prestixiosa artista e mestra de educación musical GUADI GALEGO impartiu un cursiño de técnica de canto ás nosas PANDERETEIRAS. Esta actividade, organizada pola nosa Asociación Cultural "Aimil Folc", foi de grande éxito e resultados óptimos. Moitas gracias Guadi, e ata cando queiras voltar, xa sabes que en Xinzo estás como na túa casa ...

- Velaquí algunhas fotos do cursiño e da entrega de diplomas acreditativos por parte da Presidenta da nosa Asociación, Lina Gómez, e do Vice-presidente, Xoán A. Losada.

ALBA VELOSO en Palestina

ALBA VELOSO, a nosa polifacética percusionista/tamborileira da Banda de Gaitas Xinzo de Limia, voltou felizmente de Palestina, onde estivo a semana pasada actuando coa Banda de Gaites Candás (Asturias) en varios concertos, dentro das actividades deseñadas baixo o título xenérico de "Mujeres por la Paz en Oriente Medio", organizadas pola Plataforma de mujeres artistas Contra la Violencia de Género coa colaboración da Agencia Española de Cooperación Internacional (AECID). Alí pasaron por unha situación moi peligrosa xa que se atopaban en Gaza cando se produciu o violento e desmedido ataque xudeo ... Velaquí a nova da nosa Alba en Palestina, segundo saiu hoxe no xornal "La Región". http://www.laregion.es/noticia/77751/ourense/gaiteira/ourensana/alba/veloso/gaza/bombardeo/hamas/israel/

GUADI GALEGO en XINZO

Unha das voces máis representativas da música do noso país nos últimos anos, a prestixiosa artista GUADI GALEGO (ex-compoñente do grupo Berrogüetto, compoñente actual de Nordestin@s e doutras formacións) estará connosco en Xinzo os vindeiros días 29 e 30 de decembro, impartindo un cursiño ás nosas pandereteiras, organizado pola nosa Asociación Cultural "Aimil Folc". Podedes acadar máis información sobre esta magnífica intérprete na seguinte ligazón:

http://www.abada.es/ga/web/grupos.php?id=6&ts=1

Festival de NADAL 2008

http://www.bandagaitasxinzo.com/

21, decembro: 1ª. fase da XIX LIGA GALEGA DE BANDAS DE GAITAS 2008-09

Cartel, bases e partitura obrigatoria do 19º. CONCURSO "CONSTANTINO BELLÓN" - 2009

- Xa están publicadas as BASES e a PARTITURA OBRIGATORIA do próximo 19º Concurso de Gaita Galega "Constantino Bellón" - 2009, afamado certame de gaiteiros solistas organizado polo Ateneo Ferrolán, que se celebra todos os anos polo 31 de agosto na cidade departamental. Se vos interesa consultar, ou ter as bases e a partitura, só tedes que premer na ligazón abaixo do cartel.

http://ateneo-ferrolan.blogspot.com/search/label/Constantino%20Bell%C3%B3n

Itinerarios Histórico-Musicais: OURENSE

- Nova publicación da Editorial Ouvirmos.

Novo traballo do emblemático grupo MILLADOIRO

http://www.milladoiro.com/

Máis información en:

http://www.lavozdegalicia.com/cultura/2008/11/04/0003_7283074.htm

Itinerarios Histórico-Musicais: LUGO

- Nova publicación da Editorial Ouvirmos.

As novas GAITAS da B. G. XINZO DE LIMIA

- Xa é sabido que nos meses precedentes fixemos estrea de novo instrumental. VINTE E UNHA (21) GAITAS en madeira de granadillo, con anelado en imitación de marfil e espigos recubertos de prata, fabricadas no excelente obradoiro ARPHA -Guadarrama (Madrid)-, que foron sufragadas pola Excmª. Deputación Provincial de Ourense (institución á que agradecemos a súa boa disposición e confianza no noso traballo). Debemos e queremos salientar que éstas son as PRIMEIRAS GAITAS GALEGAS DE BANDA fabricadas neste obradoiro que se poñen en funcionamento HABITUAL. Ademais, podemos e queremos dicir que tivemos moito que ver no deseño, torneado, calibres interiores e exteriores, formato do fol, etc., deste instrumento; buscando un achegamento á morfoloxía e son das gaitas galegas antigas ... !!!. Dámoslle a gracias os luthiers de ARHPA (cuxa ligazón web poñemos abaixo) polas moitas atencións e adicación que tiveron, así como o esmerado traballo que fixeron.

- Velaquí un intre do remate definitivo na semana pasada, onde os experimentados luthiers de ARPHA colocaron os novos foles (de deseño propio da B. G. XINZO DE LIMIA), baixo a atenta mirada do noso amigo Hevia, que "supervisou" a "operación" ...

http://www.arhpa.com/

Cea da Banda CAMPIONA en 1999-2000

- Oito anos despois, os compoñentes que fumos entre 1998-2001 da BANDA DE GAITAS XINZO DE LIMIA, reunímonos para lembrar vellos tempos. É así que organizouse unha cea (gracias Emilio, xa que verdadeiramente fuches a "alma pater-mater" mediadora !!!) e pasamos unhas cantas horas todos xuntos na noite do 1 de novembro, relatando anécdotas, tocando gaitas, tambores e pandeiretas, cantando e indo de xolda ... Unha velada para non esquecer, da que foi CAMPIONA da Liga Galega de Bandas de Gaitas no 2º. Grao en 1999 e no 1º. Grao no ano 2000, entre outros longos méritos. Gracias a todos pola vosa asistencia. Viva a BANDA DE GAITAS XINZO DE LIMIA !!!.

- Arriba tedes a reseña que saiu publicada no xornal ourensán "La Región", dentro do especial "Vida" (gracias, Xesús !!), o domingo 9 de novembro.

Recente publicación de Suso Vaamonde e Xosé Lois Romero

- A editorial viguesa Dos Acordes ven de publicar un novo libro, da autoría dos prestixiosos gaiteiros Xesús Vaamonde e Xosé Lois Romero. Trátase dun libro de partituras que, baixo o título: Pel & Madeira; recolle 30 temas populares, con arranxos para dúas gaitas, tambor e bombo. Engade dous CD coa gravación de todos os temas, interpretados polos propios autores.

- Máis información en http://www.dosacordes.com/web/tienda.php?ide=98

Novo método 'Gaita y Tambor', de HEVIA

- O noso famoso amigo José Ángel HEVIA acaba de sacar adiante un novo e revolucionario proxecto.

- Dende o pasado día 28 de setembro, co xornal asturiano "La Nueva España" pódese adquirir un novo método de aprendizaxe de gaita e tambor asturianos, da autoría de Hevia e titulado: Gaita y Tambor. O método, que se vende xunto co xornal, está formado por dez pequenos libros -cada un con vinte leccións e un DVD (na gravación do cal participaron, asi mesmo, María José Hevia e os nosos colegas candasinos Velu e 'Guax')-. Ademais, ofertan a posibilidade de adquirir unha gaita asturiana, en madeira de granadillo, fabricada en ARHPA. Velaquí unha imaxe do libro 1 do método e dous enlaces con información sobre o tema.

http://www.lne.es/secciones/noticia.jsp?pRef=2008092100_49_677644__TV-y-Espectaculos-Hevia-pone-gaita-alcance-todos
http://blog.hevia.es/?p=439

- Dende a BANDA DE GAITAS XINZO DE LIMIA desexámoslle o meirande éxito ó noso amigo nesta interesante iniciativa.

Nas AÇORES ...

- Un cuarteto da Escola Municipal de Gaitas & Percusión de Xinzo de Limia e tres 'Pantallas' (máscara típica do Entroido limián) viaxamos entre os días 9 e 12 de outubro ás preciosas Ilhas Açores (Portugal), á histórica cidade de Angra dos Hérois (Ilha Terçeira), convidados pola Asociación da Máscara Ibérica para participar nos actos culturais que organizaron naquela localidade insular.

M. P. XOÁN LOSADA, en ZÜRICH

- O noso M. P. Xoán Losada desprazouse a Suiza entre o 4 - 19 de outubro, para impartir un cursiño de gaita & percusión ós compoñentes da Banda de Gaitas "As Xeitosiñas" da M.C.L.E. de Zürich, agrupación relacionada musicalmente coa nosa Escola. Na mesma banda exerceu docencia no pasado mes de abril o noso G. M. Fernando Dopico.

Banda de Gaitas "As Xeitosiñas" - M.C.L.E. Zürich

http://www.asc-asxeitosinas.ch/

Cartel CURSO 2008 - 09

Cea da B. G. XINZO DE LIMIA ...

- O venres, 3 de outubro, celebramos unha opípara e divertida "cea de banda", para festexar o comezo de curso actual ... As imaxes falan por si sóas: ¡¡¡Mágoa dos/das que non poidéchedes asistir ...!!!.

En MÁLAGA ...

- O domingo, 21 de setembro, actuamos en Málaga un cuarteto da Escola Municipal de Gaitas & Percusión de Xinzo de Limia, na festa organizada polo Centro Galego da acolledora cidade andaluza co patrocinio da Secretaría Xeral de Emigración - Xunta de Galicia.

- Dámoslle as gracias ós nosos amigos malagueños Fernando & Maribel, e familia, polas súas moitas atencións durante a nosa estancia alí.

RICARDO en Soutelo e no 'Constantino Bellón'

- Velaquí dúas instantáneas do noso gaiteiro 'ferrolimián', Ricardo Mouriño, defendendo escola nos prestixiosos concursos de Soutelo de Montes e "Constantino Bellón" - 2008.

- Aí estamos !!!.

Tres gaiteiros 'galáico-asturianos' na BRETAÑA ...

- Pois aí andivemos, entre o 8 e 16 de agosto, o trío 'galáico-asturiano' (o Furas, o Chanquete & o Patrón), reforzando ós nosos colegas da asturiana Banda de Gaitas Candás, nas súas aventuras musicais pola lendaria Bretaña ...

- Máis información da xira bretona e actuacións da Banda de Gaites Candás, en http://bandagaitescandas.blogspot.com/

Vídeo B. G. XINZO DE LIMIA no XII Festival Bandas de Gaitas de Candás (2008)

* "Xota do Besbello" (Iván Costa. Arr.: Fernando Dopico).

http://es.youtube.com/watch?v=DMu62mFrFpk

- Vídeo da BANDA DE GAITAS XINZO DE LIMIA no XII Festival de Bandes de Gaites 'Villa de Candás' (2008), publicado en Youtube por 'Texois' (¡¡¡moitas gracias!!!).

Actuacións B. G. XINZO DE LIMIA. Verán 2008

- Durante o pasado mes de xullo, a BANDA DE GAITAS XINZO DE LIMIA actuou exitosamente nos festivais de Piedras Blancas, Pola de Siero e Candás (Asturias), asi como nas festas patronais de Xinzo. Velaquí algunhas fotos do XII Festival de Bandes de Gaites 'Villa de Candás', magnificamente organizado polos nosos irmáns asturianos daquela localidade ... - Moitísimas gracias a toda a xente de Candás (Velu, Tania, Guax, Lute, Chelo, Luis, ...) pola vosa sempre amable atención, así como ós colegas e amigos da Bagad Kevrenn an Arvorig (Stephan, vai por ti, ha, ha ...!!!), Bagad an Hanternoz, Banda Gaites La Reina del Truebano e Bandina 'La Curuxa'. Tamén a Eugenio e á súa excepcional xente da Banda de Gaites del Conceyu de Pola de Siero e, como non ..., á marabillosa xente da Banda de Gaites de Castrillón ... !!!. A todos e a todas, unha vez máis, moitas gracias polo ben que o pasamos convosco ... Saúdos e ata pronto!!!.

- Máis información sobre o Festival de Bandes de Gaites 'Villa de Candás', en http://www.festivalcandas.blogspot.com/